و ابتدى ابتدى ابتدى ... ابتدى المشوار

و ابتدى ابتدى ابتدى ... ابتدى المشوار ... بوعزيزى المصرى ابن مدينة القنطرة غرب حرق نفسة امام مجلس الشعب
ودا الاول ... و لسة و لسة ...
واحد ولع فى نفسة بتونس اقال الرئيس .. احنا عندنا فى مصر اللى بيولع فى نفسة و اللى بيقتل مراتة و عيالة علشان مش قادر يأكلهم و اللى بيبيعو عيالهم فى القناطر و اللى و اللى و اللى
و مع ذلك لا الحكومة بتتحرك و لا الشعب بيتحرك
كلة بيقول و انا مالى
لكن لما يوصل الامر للكورة
مصر الابية بتتحرك
يعنى لو الحكومة لغيت الدورى أو متأهلناش لكأس افريقيا
يبقى كدة احتمال يبقى فى ثورة شعبية و تتطيح بالرئيس و الحكومة
الى كل المعارضين فى مصر .. مفتاح الشعب المصرى .. هو المنتخب
لا كرامتة ليها لازمة ... لأنة عايش فى المهانة و القمع من ايام عبد الناصر
ولا الحالة الاقتصادية .... لأنة خلاص اخد على الجوع و الصيام و اهو كلة ثواب
ولا الحالة الاجتماعية ... و لا الحالة الصحية ولا ولا ولا
هى بس الكورة اللى ممكن تطيح بالديكتاتور سمير زاهر
عجبى عليكى يا بلد


http://ara.reuters.com/article/topNews/idARACAE70G0CU20110117
http://www.shorouknews.com/ContentData.aspx?id=376814
http://www.bbc.co.uk/arabic/middleeast/2011/01/110117_egypt_manfire.shtml
http://www.masrawy.com/news/egypt/politics/2011/january/17/fire_egypt.aspx